Persecucion for di Kas Ariba te Brazil tras di un mucha muher joven coriendo auto sin number!

Diadomingo durante patruya polisnan atento di distrito 4 (Santa Cruz) pasando den Kas Ariba a nota un auto sospechoso sin plachi number maneha pa un mucha muher joven, mesora polisnan a bay su tras y a dun’e señal pa para pero e mucha muher aki a ignora varios biaha e instruccion di polis pa e para. A start un persecucion for di Kas Ariba, Santa Cruz, Macuarima, Rooi Bosal, Kibaima, Balashi, Pos Chiquito, Yara, Savaneta, Rooi Koochi, Seroe Alejandro, Mabon, Brazil te dilanti e cas di e mama unda eynan polis a logra sak’e for di e auto pone plat abao y a detene dilanti di su mama cu tabata na cas e momentonan ey. E mama cu no tabata sa kiko ta pasando y wak su yiu muher deteni como un criminal a bira spanta y nervioso cual mester a solicita slachtofferhulp pa bini y papia cun’e. E vehiculo di transporte a presenta y a bay cu e mucha muher aki. Mientras un rato despues takelwagen a bin confisca e vehiculo aki. Lo tabata mas inteligente pa e a para di biaha y haya su boet suave pero awor e boet ta hopi mas pisa, su nomber mancha y sin e auto toch. Ela expone su mes y otronan riba caminda den peliger.

Share:

1 thought on “Persecucion for di Kas Ariba te Brazil tras di un mucha muher joven coriendo auto sin number!

  1. No tin respet at all pa autoridad. Porta nunca la tende e cancion di Rudy Plaate (Respeta Polis)
    Si polis bisabo algu for di sla, miho bo keda keto. Nan ta para wak bo, pa drecha bo biba.

Leave a Reply

Your email address will not be published.