Dialuna madruga a drenta informe di gritonan di auxilio na un adres conosi na Shiribana, mesora a dirigi un patruya na e sitio. Na yegada di e patruya a bin compronde cu un auto blanco chikito lo a baha un persona y a golpea esaki y despues e auto a bay direccion pariba pero e persona maltrata a desaparece. Un rato despues a drenta informe di un caso di kiebro cu ladronicia na un cas na Paradera unda e habitantenan a lanta y a haya un adicto ambulante hortando den cushina y esaki a core sali ora ela ser descubri y a core bay pabao. E habitantenan a core bay su tras y a wak esaki drenta e cas conosi ey. Polis a bay na e cas y buscando paden a haya e adicto ambulante aki y a detene.
