E uso excesivo di alcohol y otro substancianan a pone hendenan exalta y bay fuera di control despues di entierro

Diabierna atardi despues di e entierro un grupo grandi di hendenan a bay na E.J. “Watty” Vos blvd. pa eynan nan haci nan shownan manera costumber di tur fin di siman, pero e hecho di cu entre otro e bebemento excessivo y uso di un of otro substancia a pone hopi hende perde control, mas aun ora cu polis a prohibi e motociclistanan pa haci nan maniobranan di costumber. Polis a confisca un scooter cual su papelnan no tabata na ordo. Algun persona nan comportacion a laga di desea ora nan tabata instiga y incita problema cu polis, aki algun detencionnan a cay y ora nos colaboradornan a bay documenta e detencion algun hende a bay arremete cu nos colaboradornan cu tabata unicamente cumpliendo cu nan trabao di reporta locual tabata pasando. 2 Di nos colaboradornan a ser insulta y hasta un a ser golpia cu un mokete na cachete polis mesora a detene e agresor aki inmediatamente pa a dal nos colaborador. Despues di esaki poco poco e polisnan a logra pa mayoria di e hendenan problematico a bandona e sitio y asina nan por a bandona e sitio.

Share:

Leave a Reply

Your email address will not be published. Required fields are marked *