• 

• 

• 

• 

• 

• 

• 

• 

Diabierna atardi a drenta informe di un pick-up cora para memey di caminda di Franse Pas y e chauffeur ta drumi tras di stuur, mesora a dirigi un patruya den e direccion ey. Un rato despues a drenta un otro informe di cu e mesun pick-up aki ta coriendo zig zag riba e caminda bayendo e rotonde Pos Chikito y despues direccion pa Oranjestad coriendo masha malo mes, a dirigi e patruyanan tanto di Santa Cruz como di Sanicolas den e direccion ey. Un otro informe a drenta indicando cu e pick-up a bira tuma direccion pa Santa Cruz. Na altura di Kibaima un poco mas panort polis a duna e chauffeur di e pick-up señal pa para pero ora di par’e e chauffeur di e pick-up a bay reverse y a dal e patruya. Mesora polis a detene e chauffeur y a bay warda di polis cun’e.