Polis a bay atende un hoben rabia canando riba caminda na Wayaca.

Dialuna anochi a drenta informe cu na Wayaca lo tin un hoben canando rabia riba caya cu un baranca den man, mesora a dirigi patruya na e sitio. Na yegada di e patruya na e sitio a aserca e hoben pa purba di papia cune pero esaki a core bay, benta e baranca abao, bula cura di cas y bandona e sitio. Polis a papia cu testigo como tambe famia ey na e sitio cu a declara cu e hoben aki lo mester a rabia pa un of otro motibo y tabata expresa e rabia aki riba caya cu baranca den man. Autonan cu a pasa a tene miedo pa si e hoben aki manda baranca riba nan vehiculo y tabata reverse for di e sitio prome cu polis a yega. Despues di un rato polis a logra encontra e hoben y a papia cune bastante largo cu su famia y a logra calma e situashon y hala e hoben su atenshon apcu su comportashon riba caya.

Share:

Leave a Reply

Your email address will not be published.