Diahuebs anochi a drenta informe di explosion di gas na un cas na Bona Vista, mesora a dirigi tanto polis, ambulans como bombero na e sitio. Na yegada di polis ya bomberonan tabata na e sitio y a bin compronde cu aki ta trata di un explosion ora cu un habitante a bay cende e stoof esaki a explota heridando e victima na su pia y un otro habitante a haya hopi dolor di cabez ademas varios glas di porta y bentana a ser destrui. Polis a tene tur hende na un distancia por si acaso otro explosion surgi ya cu ainda tin holor fuerte di gas na e sitio. Bomberonan a retira e cilindernan di gas pa un sitio mas aleha na e parti patras di e cas. Na yegada di e ambulans nan a atende e victimanan y a transporta nan pa hospital.
