Diahuebs madruga a drenta informe di cu tin un persona kibrando un auto na San Barbola, mesora a dirigi un patruya na e sitio. Na yegada di e patruya a bin nota cu aki ta trata di un persona furioso aparentemente bao influencia di un of otro substancia cu lo ta cometiendo destruccion na un auto, mirando e situacion a solicita refuerzo pa atende cu e persona furioso ey. Na yegada di e refuerzo nan a acerca e persona y a ripara cu e lo ta herida bao su pia tambe y tabata sangrando profusamente. Nan a logra convence pa yud’e e vehiculo di transporte pa detenidonan a ser pidi pa asina transporte pa warda di polis. Como cu e tabata tin mester di atencion medico pa su pia a pidi ambulans presenta na warda di Oranjestad unda nan tabata transportando e. E personal di ambulans ora a mira e herida a bisa cu e mester bay hospital y nan a transporte pa hospital.
