Despues di e accidente un di e partidonan a bay for di e sitio
Diadomingo atardi a drenta informe di un accidente na e cruzada Emmastraat/ J.G. Emanstraat, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di e Hyundai i10 biniendo for di Emmastraat no a duna preferencia na e Hyundai Getz riba J.G. Emanstraat. Aunke e impacto tabata fuerte afortunadamente ningun hende a resulta herida. E chauffeur di e Getz diripiente a bandona e sitio di accidente. Un rato despues e chauffeur di e Hyundai i10 a cuminza sinti poco dolor y a solicita presencia di ambulans p’e. Na yegada di e ambulans nan a atende e chauffeur y a consehe si e sinti mas dolor e bay dokter di cas na hospital.
