Diadomingo mainta a drenta informe cu un auto lo a ser laga atras dilanti un cas na Cura Cabay Noord, mesora a dirigi patruya na e sitio. Na yegada di e patruya na e sitio a papia cu un testigo cu a declara cu for di oranan di mainta tempran 1 homber y 1 muher lo a baha for di e auto core bay for di e sitio. Polis a tuma nota cu e dashboard rond di e stuurwiel tabata kibra cu waya ta colga pero e auto mes tabata ful na lock. Polis a keda di buska e donjo di e vehiculo pa haya sa si esaki lo ta trata di un caso di joyriding.
