Security a gara sospechoso cu tabata horta riba tereno di hotel den oranan di madruga

Diadomingo madruga birando mainta a drenta informe di cu na Divi Dutch Village security tin un sospechoso wanta riba tereno di e hotel, mesora a dirigi un patruya na e sitio. Na caminda pa e sitio a drenta un otro informe di cu e sospechoso tabata lantando contra e security cu tabata tin e wanta. Na yegada di e patruya polis a bin compronde cu e security a haya un bicicleta den oranan di madruga riba e tereno di e hotel y a warda esaki un banda y a bay busca rond y a bin topa cu e sospechoso riba e tereno y mesora a sospecha y a gar’e want’e te ora cu e polis a yega. Polis a detene y a bay warda di polis cun’e, den su poder polis a haya schroefnan di un spotlight cu ta pertenece na e hotel. Buscando rond e security a bin haya varios cos horta scondi aki y aya, entre nan a haya e spotlight 2 paar di keds di huespednan di e hotel como tambe algun otro pertenencianan.

Share:

1 thought on “Security a gara sospechoso cu tabata horta riba tereno di hotel den oranan di madruga

Leave a Reply

Your email address will not be published. Required fields are marked *