Diadomingo anochi a drenta informe di cu tin un chauffeur basta burachi coriendo na e banda robez di caminda riba e caminda di Meiveld, mesora e patruya cu tabata den Patiastraat a core bay den e direccion ey y a logra para e auto na Meiveld. A bin resulta cu aki ta trata di un dama cu tabata basta burachi tras di stuur coriendo auto na e banda robez di e caminda. Ora cu polis a puntr’e pa su rijbewijs esaki a contesta cu e no tin. Mesora polis a detene e dama y a bay cun’e warda di polis.
