Agression formal riba caya na Paramira, polis a yega mesora y a logra detene 2 sospechoso

Diadomingo merdia a drenta informe di cu tin un pelea formal andando cen e cayanan di Paramira, mesora a dirigi varios patruya na e sitio. Na yegada di e patruya a topa cu e victima herida y a bin compronde cu e sospechosonan a caba di huy den un Hyundai Accent preto A32577 y un Nissan March A31434. Un otro patruya cu tambe tabata bayendo e sitio a nota e Hyundai Accent bayendo nort y a logra par’e poco mas pazuid di e rotonde banda di Acero. Den e auto a bin topa cu un homber y un muher, ambos a ser deteni na e sitio mes. E dama tabata tin un suma cuantioso di placa na dollars den su poder bon scondi y a confisca e suma cu ta mas di 20 mil. E 2 sospechosonan cu a ser deteni, a ser hiba warda di polis mientras e victima a ser conseha pa bay busca un declaracion medico y presenta lo mas pronto posibel na warda di recherche. E Nissan March si no a logra ser captura polis a bay na e adres unda e ta registra pero no a encontra cu esaki. Pero lo bay sigui busk’e.

Share:

Leave a Reply

Your email address will not be published. Required fields are marked *