Accidente pisa cu hende herida banda di Watertoren na Sanicolas.

Diadomingo madruga a drenta informe di un accidente basta pisa cu hende herida banda di Watertoren na Sanicolas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un chauffeur coriendo cu velocidad halto pa un of otro motibo a bay dal riba un muraya. Den e vehiculo tabata tin un ocupante hunto cu e chauffeur y ambos a resulta herida. E dama ocupante tabata mas seriamente herida compara cu e chauffeur. Na yegada di e ambulans nan a atende e victimanan y a transporta nan pa hospital. E investigadornan technico y forensyco hunto cu e specialista di trafico a presenta pa investiga y documenta e accidente aki.

Share:

Leave a Reply

Your email address will not be published. Required fields are marked *