Diabiern mainta a drenta informe di un acidente cu hende herida na banda di Vegetarian Delight na Seroe Blanco, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Suzuki Swift blauw biniendo di pariba no a para pa duna e Toyota Yaris preto (trafico di man drechi) preferencia y e Yaris a dal e manda e Swift bay dal riba e cura na e skina. E impacto tabata fuerte y e chauffeur di e Swift a resulta herida. Na yegada di e ambulans nan a atende e victima.
