• 

• 

Diabierna atardi a drenta informe di cu un pitbull a morde un dama na Noord, mesora a dirigi un patruya na e sitio. Na yegada di e patruya e dama victima a bisa polis cu e tabata na cas cu su 2 cachonan den cura y un pitbull riba caya a bin ataca su 2 cachonan, e dama a bay kita e cachonan for di otro y aki e pitbull a morde e dama su man. Polis a bay na cas di e bisiña pero como cu e no tabata tey polis a bisa e famia na e cas pa nan tene nan pitbull den nan cura di cas of tene mara. Ademas polis a bisa nan cu nan lo pasa despues pa atende cu e doño. Polis a conseha e dama pa e bay haya atencion medico pa e heridanan ricibi y a bisa tambe cu e doño di e pitbull lo tin cu paga e gastonan pa esaki.