Diabierna merdia a drenta informe di un accidente cu hende herida na e rotonde di Hato, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu durante di un trip cu quadracers un dama turista a perde control y a bolter. Den e boltermento e quadracer lo a cay riba e pia di e dama turista y a kibra su pia e grupo di turista mes a bolter e quadracer y a kita esaki como tambe e victima for di riba e caminda pa no stroba trafico. Na yegada di e ambulans cual nan a yega prome cu polis nan a atende e dama y tabata poniendo e dama riba e stretcher pa hib’e den ambulans. Ambulans a transporta e dama pa hospital.
