Diabierna mainta tempran baridornan di caya y hasta tambe nos colaborador a yama central di polis na 100 pa avisa di e intento di agression den Caya G.F. “Betico” Croes. E barido a yega para su auto manera costumber tempran y a cuminza bari y ta move su pick-up segun nan ta avanzando. Na un dado momento un adicto ambulante cu tabata drumi den caya dilanti ex-edificio di Ennia a lanta contra un di e baridonan reclamando cu ta strob’e di drumi. A start un discucion y na un dado momento e adicto ambulante a bay den direccion di e barido di caya cu un cuchiu den man pa asina ataca e barido pero e barido cu su basora a dal e adicto ambulante aki y a logra benta e cuchiu abao unda mesora e barido a core coy esaki. A tarda casi un ora pa polis a yega te cu na dado momento hasta patruya di Santa Cruz mes mester a bini te eynan pa atende cu e asunto. Despues di a tuma informacion di e detayenan exacto con e cos aki a pasa polis a core cu e adicto for di e sitio. E adicto a hasta amenasa e e baridor dilanti polis y toch no a detene y a djies core for di e sitio. Polis a confisca e cuchiu fuera un otro arma di palo corta den forma di cuchiu pa staka hende.
