Diahuebs anochi a drenta informe di cu tin un auto straño para den e garashi di un cas na Fiyostraat, mesora a dirigi un patruya na e sitio. Na yegada di e patruya nan a bin encontra cu e auto cual a bin resulta cu ta un auto cual a ser horta durante dia for di Balashi. E auto ainda tabata tin su yabinan na e switch. Mirando cu aki ta trata di un auto horta polis a confisca e vehiculo pa mas investigacion y despues pa entrega esaki na su doño.
