Diahuebs merdia a drenta informe di cu un persona lo a ser descubri hopi malo, boca habri riba cama, mesora a dirigi tanto polis como ambulans na e sitio. Na yegada di e patruya na e sitio a topa cu e persona cu a yama polis y ela declara cu e lo a wak cu e persona ta riba cama boca habri drumi y no ta reacciona . Polis a pidi ambulans cu mas urgencia na e sitio. Na yegada di ambulans a papia cu e persona pero e no tabata desea di bay hospital. A pidi presencia di slachtofferhulp pasobra e situacion ta rekeri cu e mester bay hospital. Slachtofferhulp a presenta rapidamente na e sitio y a logra convence e persona pa bay hospital pa tratamento medico.
