Ela haci esaki pasobra ela cansa cu e cacho ta sali pa atak’e.

Diahuebs mainta a tempran a drenta informe di cu tin un hende menasando turistanan y tira cu piedra banda di Mangel Halto na Spaans Lagoenweg, mesora a dirigi un patruya na e sitio. Na yegada di e patruya a bin compronde cu un persona color bruin bisti cu short preto y flanel cora lo tabata menasando e turistanan y tirando cu piedra causa destruccion. Poco mas pabao polis a topa cu e persona cu ta cuadra cu e descripcion y mesora a atende cun’e. Segun su declaracion e ta cansa cu cada biaha e pasa eynan e cacho ta sali pa atak’e, y e biaha aki pa hala atencion di e doño ela manda piedra y menasa esnan na e compleho di apartamentonan pa turista. Un di e piedranan a destrui un bentana di glas y esey tabata suficiente pa a detene. A pidi pa e vehiculo di transporte di detenido pa bin buske y hib’e warda di polis pa e destruccion cometi.

• 

• 

• 

• 

• 

• 

• 

• 

• 

• 

• 

•