Diamars merdia durante patruya na Hato banda di E.P.B. polisnan atento a tuma nota di un Nissan March actuando masha sospechoso, mesora a bay tras di e auto y a para esaki poco mas pazuid na Caya Frere Alexius. Ora bay controla e auto esaki tabata ser maneha pa un menor di edad y tabata tin 2 otro hoben den auto. Polis cu no a keda satisfecho a sigui cu nan intuicion y a bin descubri un poco droga y tambe atributonan pa venta di droga, a sigui busca den e auto y a bin encontra mas droga y tambe placa den e auto. A confisca tur esakinan y e 3 hobennan a keda deteni y hiba warda di polis mientras a hiba e auto tambe pa warda di polis pa mas investigacion.
