Diamars mainta polis a topa cu un accidente cu hende herida na e cruzada Awakatistraat/Avenida Milio Croes, mesora a dirigi tanto polis como ambulans na e sitio. Na yegada di e patruya a bin compronde cu e Suzuki SX4 blanco biniendo for di Awakatistraat a haya chance for di e Kia Sportage na banda drechi pero no a nota cu tabata bini un Kia Sorento for di banda robez y esaki a dal e Suzuki bir’e 180 grado y e Sorento a ser pusha bay dal e Kia Sportage semi frontal pushe bay dal e Nissan Urvan di direccion contrario. Debi na e impacto 3 dama chauffeur respectivamente e dama chauffeurnan di e Suzuki SX4, e Kia Sorento y e Kia Sportage a resulta herida. Na yegada di e ambulans nan a atende e victimanan. Un dama pasajero den e Van tambe a resulta herida pero no tabata desea atencion medico y a keda di bay dokter si e sigui haya dolor.
