Diabierna merdia a drenta informe di un accidente cu hende herida riba L.G. Smith Boulevard. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un achterop aanrijding cu 3 auto envolvi. Un Nissan SUV shinishi a break pa laga auto su Dilanti bira, e auto su tras BYD cora a logra para net net, pero e van Toyota blanco no a logra para na tempo. E a dal tras di e BYD cora y manda e BYD cora dal den e Nissan SUV shinishi. E chauffeur di e van a resulta herida. Na yegada di e ambulans nan a atende cu e victima cu tabata tin dolor na su rudia.
