Diabierna merdia a drenta informe di un accidente cu hende herida dilanti Sing Fung food center na Tanki Leendert. Mesora a dirigi tanto polis como ambulans na e sitio. Na yegada di e patruya a bin compronde cu aki lo ta trata di un achterop aanrijding unda un chauffeur di un Honda SUV lo no a regula velocidad ni mantene distancia y a dal tras di un Chevrolet SUV preto. E impacto tabata fuerte. Na yegada di e ambulans nan a atende cu e victima cual tabata un mucha cu tabata tin un kap na cabez. Ambulans a transporta e victima pa hospital.
