Diaranzon mainta a drenta informe di un accidente cu hende herida na e Green Corridor panort di Young Fellow, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Honda Fit coriendo cu velocidad halto a perde control bay dal na e vangrailnan bolter pasa over di e vangrailnan cay bek riba su wielnan. Debi na e impacto e chauffeur a resulta levemente herida. Na yegada di e ambulans nan a atende e victima cu tabata levemente herida y a transporte pa hospital. E empleadonan di e Green Corridor mester a desarma e mas di 30 meter di vangrail daña pa asina por a saca e auto for di unda e tabata ta.
