Dialuna anochi a drenta informe di un accidente cu hende herida na Koyari, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Suzuki Grand Vitara color blanco biniendo for di nort lo a baha caminda na su man drechi sin brake y a bay dal riba un Suzuki Swift blanco, un Suzuki Liana preto y a bay touch un Toyota Rav 4 cual tur tabata staciona. E chauffeur cual ta un chauffeur hullandes europeo a conta polis cu ela perde control y a bay dal e otro 3 auto. E impacto tabata fuerte y cu hopi daño material, debi na e impacto fuerte aki e chauffeur a resulta herida. Na yegada di e ambulans nan a atende e chauffeur y a transporte pa hospital.
