Polis ta corda tur grupo cu e dianan ta cerca:

E prome parada ta dia  4 di januari 2020 caba!

 

ORANJESTAD, Aruba –1 december 2019 : Carnaval un biaha mas ta dilanti porta y  mas trempan cu nunca. Cuerpo Policial Aruba ta corda doñonan di carosa, cu kier uza esaki den paradanan di Carnaval, cu nan mester tuma contacto cu e departamento di “Planologie” pa por controla. Trailernan y carosanan cu no wordo controla no por drenta den paradanan.

 

Tambe TUR vehiculo di motor mester tin “keuring” di DTI pa por participa den paradanan di carnaval.

Entre otro, UTV’s, ATV’s , truck , chasis, opleggers y trekkers.

DTI ta informa cu den luna di november y december 2019 di dialuna pa dabierna di 11or pa 11:30 di mainta ,por bin na bali es momento ey como un “walk in” y haya servicio di biaha.

Tambe DTI a pone e siguiente dia disponibel cu ta : diasabra 7 di december 2019  8:00 am -12 :00 pm .

Gruponan di carnaval cu ta participa na e parada di flambeu mester tene na cuenta cu Departamento di DTI lo ta sera di 20 december 2019 te cu dia 3 di januari 2020!

 

Por tuma contacto cu Departamento di Planologie di Cuerpo Policial Aruba, situa na e Warda di Polis di Balashi na number di telefon 5852500 di dialuna pa diabierna entre 7:00am pa 3:00pm. Den fin di siman lo por tuma contacto cu Central di Polis na number di telefon 100 pa nan notifica e Polis cu lo pasa controla e vehiculo.

 

Cuerpo Policial ta pidi tur hende pa tene bon cuenta cu e medidanan di siguridad aki y pa no laga tur cos pa ultimo momento pa despues cosnan no pega. Tene cuenta cu e prome parada di carnaval, esta “Fakkel Optocht “ Parada di Flambeu  ta dia  4 di januari 2020. Como tal lo mester control y keur tur trailer y carosa cu lo participa den e parada ey, e aña aki ainda.