Diadomingo madruga durante patruya na altura di Ponton polisnan atento a nota e Honda Civic A30962 nan a dun’e señal pa para pero e chauffeur no a haci caso y a start un persecucion Hato, Ponton, E.J. “Watty” VOS blvd den direccion prohibi bayendo pariba, Paperclip rotonde direccion Oranjestad, drenta parkinglot di APFA drey rond sali bek direccion nort, banda di Friomax bay pabao, pasa patras di Setar, subi banda di RCA y bay nort direccion Tanki Leendert, drenta e caminda pa bay Glenn’s Place, Seroe Patrishi, Modanza, Paradera, Rooi Afo, Sero Preto(Paradera), sali banda di Citgo Paradera, bolbe drenta Rooi Afo, drenta pazuid di Boutique Keyla, bay nort sali patras di Best Deal, subi caminda pa bay Piedra Plat pero eynan mes polis a blokea nan pariba di Great Rich unda eynan nan kier a core bay polis a los un tiro di advertencia y a logra captura nan. Ainda abao riba vloer e 2 sospechosonan a forsagea cu e polisnan pero tog asina a logra boeinan y hiba nan pa warda di polis na Shaba. Den e auto a logra haya arma y droga. Polis a confisca e vehiculo pa mas investigacion.
