Diahuebs atardi a drenta informe di un accidente cu hende herida na e cruzada L.G. Smith blvd. Adriaan Lacle blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un automobilista bayendo pariba yegando na e cruzada cu A. Lacle blvd. a dicidi di bay haci un U-turn net ora un motociclista riba un scooter ta bay pas’e y esaki a bay dal den dje. Debi na e impacto e motociclista a resulta herida. Na yegada di e ambulans nan a atende e victima. Na e sitio e chauffeur a purba di gaña polis cu ta bira ela bay bira na man robez pero tur e evidencianan na e sitio a indica lo contrario y polis a mustr’e esakinan.
