Diaranzon atardi a drenta informe di cu un auto lo a bolter patras di lighthouse pariba di Tierra del Sol y cu tin hende herida, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un Jeep cu lo a kita pa un buraco pero a tuma e birada mucho chikito y a bolter. Den e Jeep tabata tin un persona local y 2 dama turista di cual nan tur a resulta herida pero un di e damanan tabata keha di dolor na su braza y pecho. Na yegada di e ambulans nan a controla esun cu tabata tin dolor na braza y pecho pero e victima aki ni e otronan kier a bay hospital pa tramento.
