Diamars anochi durante patruya polisnan atento a tuma nota di un bicicleta unico cual a ser horta recientemente moviendo den e area banda di e highrise hotelnan na Palm Beach, mesora a alerta polisnan di strand pa tira bista riba esakinan ya cu nan tin e descripcion di un di e sospechosonan. Na altura di Phoenix un patruya a topa e sospechoso cu e bicicleta horta y esaki a ranca careda bay. Polis a bay su tras y na un dado momento a perde for di bista. A bin resulta cu e sospechoso aki a drenta den lama y a sconde e bicicleta y su mes tambe. Polis a logra gar’e y a detene mientras a confisca e bicicleta tambe. Un otro patruya a topa otro 2 hoben mas cu tabata cu e sospechoso un di nan a laga e bicicleta atras y a ranca bay na pia core drenta sconde den Azure unda despues eynan a perde for di bista pero a confisca e otro bicicleta tambe y lo bay saca afor si esaki tambe ta horta of no.
