Diadomingo merdia a drenta informe di un accidente cu hende herida na Morgenster, mesora a dirigi tanto polis como ambulans na e sitio. Na yegada di e patruya a bin compronde cu e ciclista biniendo for di pariba pazuid di caminda a bay subi e caminda grandi sin a pone bon atencion na e trafico di pariba y a sali dilanti auto Chevrolet Aveo y e auto a dal e hoben drey e rond denhalto y lague cay abao. E hoben a ricibi varios rasca na curpa y kier a sigui pero hendenan cu a observa e accidente a convence pa e keda y warda polis cu ambulans. Na yegada di e ambulans nan a atende e hoben y a hib’e hospital pa un control mas extenso. Riba e video di e camara di seguridad por mira claramente con e accidente a sosode.
