Dialuna anochi a drenta informe di un accidente cu hende herida na e cruzada Weststraat/Prof. Lorentzstraat, mesora a dirigi tanto polis como ambulans na e sitio. Na yegada di e patruya bin compronde cu e auto preto cu tabata bayendo nort den Weststraat no a para pa duna preferencia na e auto shinishi cu tabata bayendo pabao den Prof. Lorentzstraat. E impacto tabata fuerte y e 2 personanan den e auto shinishi a resulta herida. Un rato despues e chauffeur di e auto preto tambe a cuminza keha di dolor. Na yegada di e ambulans nan a atende e 3 victimanan levemente herida.
