Diadomingo anochi a drenta informe di un pelea formal banda di e rotonde Paradera, mesora a dirigi patruyanan na e sitio. Na yegada di patruya ya nan lo a move caba for di e sitio y a bay na un cas na Nuñe. Polis a desplaza su mes pa Nuñe. Na nan yegada eynan a haya un tangana tumando lugar y a pidi mas refuerzo mientras cu ora e grupo a mira polis varios a logra core bay pero toch polis a logra gara algun. Entre esnan cu polis a haya eynan ttabata tin uno cu tabata tin un kap basta grandi na su frenta esaki despues di a ricibi un kap na su cabez. Pesey a pidi tambe un ambulans cu urgencia na e sitio. Puntrando na e sitio a bin logra haya sa cu aki ta trata di un pelea entre 2 grupo cual tin e costumber di un ta canta e otro den Rap pero e cantamentonan aki a bay fuera di proporcion y a bay over na violencia. E violencia aki a causa daño na 3 auto, un Taxi Honda Odyssey cual su back windshield destrui, un Nissan March su windshield y tambe un Toyota Supra su back wiper. Un total di 7 persona deteni y tambe e persona cu a haya un kap na su frenta.
