Diahuebs mainta ora cu e takelwagen tabata hibando e auto confisca na Tamarijn pa Balashi den Macuarima a nota un auto cu tabata siguie na un forma sospechoso mesora a yama polis y a avisa di esaki. Tabata trata di un Toyota Yaris blanco cu no tabata tin number dilanti pero ora nan a nota presencia policial nan a bira bay bek. Mirando cu ta hendenan sospechoso cu tabata na e cas na Tamarijn e momento di confisca e vehiculo a bay sigui nan. Varios patruya a bay yuda den e captura di e sospechosonan aki. A start un persecucion unda cu e Yaris aki no kier a para at all y tabata core irresponsablemente bahando tur auto for di riba caminda mientras polis tabata su tras te na Tamarijn bek unda eynan nan a split y un sospechoso si a ser deteni eynan mes mientras e otro a drenta mondi. Mesora polis a blokea e mondi for di tur angulo y tambe cu e ayudo di e helicopter unda a logra spot e y a logra detene e otro sospechoso.
