Diahuebs mainta oficialnan di departamento di trafico a bay na un adres na Tamarijn unda cu eynan lo tin un auto cu a ocasiona un accidente y a sigui core bay. Na yegada di e patruya a nota cu e auto ta den e cura di e cas pero ya e daño a ser repara y por mira claramente e reparacion haci na e auto. Ora cu polis a yega na e cas ningun hende den e cas tabata sa di ken e auto ta y a puntra pa e yabi pero atrobe ningun hende lo tin e yabi. Ora cu a pidi pa takelwagen un persona a puntra si e por saca algun pertenencia pero ya polis no a confia e asunto cu for di comienzo ningun hende sa di ken e auto ta y ni cu tin yabi y awor diripiente y no a permiti e persona yega na e auto. Na yegada di e takelwagen nan a bay cu e auto. E informe no ta caba aki!
