A detene dos sospechoso den corto tempo awe mainta na Tamarijn y Sero Lopez.

Diahuebs despues di 10or di mainta a cuminsa un persecucion entre un Toyota Yaris color blanco y polis. Aparentemente polis a duna e auto un señal pa para y no a cumpli cu e orden di polis. Den e auto aki tabata tin dos conocido di polis.
E persecucion a caba na altura di un cas na Tamarijn . Na e sitio polis a detene e chauffeur di fam Q. E homber pasahero sinta na banda a logra huy y drenta mondi.
Di biaha tur unidadnan di diferente districto a yega na e sitio pa asina cuminsa cu e busceda den mondi. A lanta e helicopter di Polis y na unda a logra señala e sospechoso y polis a logra detene na altura di Sero Lopez.
Tur dos sospechoso a ser hiba warda di polis na unda nan lo presenta dilanto sub fiscal.
E auto encuestion a wordo confisca pa mas investigacion.

Tambe a confisca un otro auto pero e no tabata tin nada di haci cu e caso aki.
E la wordo hiba balashi door cu e no tabata tini su papelnan na ordo.

Share:

Leave a Reply

Your email address will not be published. Required fields are marked *