Diaranzon anochi a drenta informe di cu lo tin 4 mucha riba un boto estilo kayak lo ta pasando entre e botonan mara na e pier dilanti di waf, mesora a dirigi patruyanan na e sitio. Na yegada di e patruya nan a nota enberdad un boto cu 4 mucha ta purba sconde bao di e pier banda di Atlantis Submarine, mesora polis a acerca nan y a purba comunica cu nan pero kizas pa miedo nan no kier a bisa kiko nan tabata haci y como cu e informacion cu a drenta cu nan tabata pasa entre e botonan mara na e pier polis no a confia e asunto mucho pero a opta toch pa detene e muchanan y hiba nan na warda di polis. Mientras tanto a revisa otro botonan pero no a haya niun muestra di cu nan lo a kibra of drenta horta na un boto. Despues na warda a bin sali na cla cu e muchanan aki no a horta nada pero si cu nan ta menornan di edad cu e oranan ey ta laat y ta riesgoso pa haci locual nan tabata haci. Polis a debolbe e muchanan ey nan pertenencianan y a laga nan mayornan buscanan na warda di polis y papia cu nan.
