Diasabra atardi a drenta informe di un accidente cu hende herida na Tanki Leendert, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur di e Kia Picanto no a pone atencion na e trafico y a bay dal tras di e Toyota Yaris cu tabata para ta warda auto di direccion contrario pasa pa e bira na man robez. E impacto tabata fuerte y ambos di e chauffeurnan a resulta herida. Na yega di ambulans a atende ambos dama chauffeur na e sitio mes.
