Dama bao influencia cu muchanan den auto buscando su pareha a dal subi un pilon di beton y a bay habri porta net otro auto pasando den Wilhelminastraat

Diaranzon atardi a drenta informe di un accidente dilanti Doña Clara den Wilhelminastraat, mesora a dirigi un patruya na e sitio. Na yegada di e patruya nan a tuma nota cu lo por start un problema y un otro patruya a bay asisti tambe na e sitio. Ta asina cu e dama chauffeur di e Toyota Passo (RHD) tabata bao influencia y tabata tur desespera buscando su pareha y ora a top’e a subi acera dal un pilon di beton y subi esaki te cu e auto a keda pega estando mitar riba e acera y mitar riba caminda. Pa colmo e dama a bay habri e porta di auto cual tabata riba caminda y e porta a dal un Kia Picanto pasando causando daño tambe. E dama y su pareha a cuminsa un pleito eynan y polis a yega. Despues di cu polis a wak e pleito ta sigui y e dama ta cu algun mucha den auto polis a hala e muchanan y pone nan den e patruya y a avisa un familiar pa bay cu esakinan for di e sitio. E discucion a sigui y despues di varios intento di polis pa e dama trankiliza sin a logra polis a detene e dama pa ta bao influencia y causa 2 accidente.

Share:

Leave a Reply

Your email address will not be published. Required fields are marked *