Dialuna anochi a drenta informe di un accidente cu hende herida na Caya Musica, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Hyundai Getz cora di direccion contrario a pasa dal un pick-up Chevrolet S10 kibra spiel manda particulanan di e spiel y a corta un hobencita bao di su wowo. Despues di e impacto e Getz a sigui core bay. Na yegada di e ambulans nan a atende e victima y a transporte pa hospital. Polis di trafico a presenta y ta en busca di e Getz cu a core bay. Mihor e chauffeur bay meld su mes na cualkier warda di polis pa evita cu si polis mes mester bay busk’e lo por ser deteni y pasa den un mal rato.
