Diahuebs mainta a drenta informe di un accidente cu hende herida na riba e caminda di tera di Sabanilla Abao pa Andicuri, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un auto y un ciclista, unda e ciclista biniendo cu velocidad di pariba anto net despues di un birada un baha repentino net e momentonan ey tabata bini un auto y e chauffeur a purba desvia pero e ciclista coriendo riba e caminda di tera cu coba di e yobida a dal den un hol bay halto y a bay termina abao di e front di e auto. E ciclista tabata keha di holor na su man y schouder mientras por a mira varios rasca na su curpa. Na yegada di e ambulans nan a revisa e victima y a logra lante cana bay den ambulans cun’e y despues ambulans a hib’e hospital.
