Polis a logra pone man riba e berdadero sospechoso cu a mata Rudolf G. Ras cu un hinca mortal den su pecho, e sospechoso tin 15 aña y ta core auto!

E problema aparentemente a start pa un asunto di 5 Florin pa droga!

Diadomingo for di e oranan di mainta ta tras di e sospechoso mes cu a hinca Rudolf Ras mata dia 31 anochi na un cas na Rooi koochi, esaki e investigadornan cu ta trahando riba e caso a logra resolve y a cuminza busca pa haya e sospechoso. Ta den oranan di merdia cu nan a spot e cu e ta den Noord Cura Cabai, net ora cu e oficialnan a solicita refuerzo pa bay detene e sospechoso esaki a subi auto cu un amigo y a bandona e sitio. Mesora a e oficialnan a bay su tras y a inicia un persecucion unda algun auto a ser impacta pa e sospechoso. Na altura di Noord Cura Cabai 61C a logra blokea e auto y a logra par’e e oficialnan a saca nan arma reglamentario y a ordena e sospechoso como tambe e pasahero amigo pa bay plat abao cu mannan riba nan cabez. Polis a detene e sospechoso y despues di a tuma personalia di e amigo pasahero a laga bay den libertad. Awor lo start cu e interogacionnan pa asina presenta e caso mas pronto posibel. Ademas di e detencion polis a confisca e auto.

Share:

Leave a Reply

Your email address will not be published. Required fields are marked *