Diamars anochi a drenta informe di un accidente cu hende herida riba e caminda saliendo for di Moomba Beach, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di algun turista den un Jeep di huur cu a perde control ranca 4 pilon y a bay dal riba un mata. Na prome instante a bisa cu tin hende herida pero despues a bin resulta cu no tin hende herida y a cancela e ambulans.
