2 Agressor a maltrata un persona cu bate na Paradera

Polis ta investigando e caso di maltrato aki.

Diahuebs atardi a drenta informe di un caso di maltrato na Paradera y e victima tur herida y na sanger a core pa su bida y a bin dal abao dilanti un supermercado na Shiribana, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di maltrato cu a sosode no mucho leu for di e sitio unda a hay’e ya cu ela core pa su bida y dilanti e supermercado ela dal abao door di e tantisimo dolor. Segun su declaracion ela ser agredi cu bate poco mas pariba y a core. Na yegada di e ambulans nan a atende e victima y a transporte pa hospital. Recherche lo sigui cu e investigacion mientras a solicita tambe e investigadornan technico y forensyco.

Share:

Leave a Reply

Your email address will not be published. Required fields are marked *