Diadomingo mainta a drenta informe di cu e camaranan di seguridad di Costa Linda y di Coco Loco Beach Bar a capta imagennan di 2 sospechoso cu lo a pega e palapa na candela den oranan di madruga. Mesora oficialnan di strand a bay na e sitionan menciona y por a mira e 2 sospechosonan riba e grabacion. E mihor cos ta pa e 2 sospechosonan ey mes bay entrega nan mes na cualkier warda di polis y asumi nan responsabilidad y cubri e gastonan pa e daño cometi pa asina nan no haya bishita di recherche na nan cas of trabao prome cu Pasco y seranan pa pasa Pasco y Aña Nobo tras di trali!
