Chauffeur ta ocasiona accidente y ta bandona e sitio lagando otro partido herida atras

Diabierna anochi a drenta informe di un accidente cu hende herida na e crusada L.G. Smith Boulevard cu Adriaan Lacle Boulevard, mesora a dirigi polis como tambe ambulans na e sitio. Na yegada di e patruya na e sitio a bin constata cu aki ta trata di un accidente hit & run riba L.G. Smith Boulevard. Unda cu un auto lo a dal tras di un Nissan Tiida cu tabata bayendo pariba. E impacto tabata hopi fuerte y a laga e chauffeur di e Nissan Tiida herida. E causante di e accidente a sigui core bay lagando e otro partido herida na e sitio. Ambulans a bini na e sitio y a atende cu e vicitima y a transporte pa hospital pa tratamento medico.

Share:

Leave a Reply

Your email address will not be published. Required fields are marked *