ORANJESTAD, 09 di december 2020 – E ekipo di golf di Aruba Bank a participa na e di 21 Charity Golf Tournament di Rotary Club of Aruba na Divi Links cu tawata tin como meta pa recauda fondo pa obranan di caridad.
Cada participante tabata enfoca riba nan competencia y na mes momento tabata pasa un rato ameno compitiendo contra otro. Nos ta contento di un biaha mas pa por a uni e talento “den cas” pa competi den un actividad comunitario deportivo cu un meta pa yuda recauda fondo pa obranan di caridad. Nos ta felicita Rotary Club of Aruba cu nan torneo y tambe na nos ekipo campeon cu a consisti di Lucio Maduro, Eugene Dirksz, Herman Brown, y Peter Staal cu a haci un bon trabou.
