Diasabra anochi a drenta informe di un caso di hincamento na Caya Frere Henricus, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso di hincamento unda cu despues cu 2 bisiña y colega a bebe cu otro a start un discucion entre nan te cu ela bay for di man momento cu un a sali di su cas arma cu un cuchiu y a hinka su bisiña dos biaha. E victima herida a ricibi hinkanan riba su cabes y den lomba. Polis a wak cu esakinan ta serio y a solicita pa e ambulans bini cu mas urgencia y tambe recherche cu e investigadornan technico y forensyco. Na yegada di e ambulans nan a atende e victima y a transporte cu urgencia pa hospital. Polis a bay na cas di e bisiña kende no kier a sali y e dama na e cas no kier a coopera cu polis pa drenta e cas y busca e agressor. A solicita presencia di un sub-fiscal pa asina drenta e cas net na e momentonan ey e porta a habri y e agresor a sali y polisnan mesora a detene unda a haya e agressor baña y cu otro paña bisti. Polis a bay cun’e deteni pa warda di polis. Tanto recherche como e investigadornan technico y forensyco a drenta e cas pa busca e arma pero no a encontra cu esaki.
