ARUBA BANK ORGUYOSO DI SU EKIPO DI DAMAS CU A PARTICIPA DEN RONDE VAN ARUBA

Oranjestad, December 7, 2020: E aña aki un biaha mas Aruba Bank a participa den e di 28 Ronde van Aruba cu un ekipo di damas. E Ronde van Aruba ta un evento anual y Marinierskazerne ta organisando esaki pa 28 biaha.

E ekipo tabata consisti di Roixian Oleana – Janzen, Sandra Paola Murcia, Yuli Tineo y Ada Guerra. E competencia di Ronde van Aruba ta consisti di diferente categoria, tanto individual como di ekipo manera duo, estafette of mixto. E ekipo di Aruba Bank a prepara nan mes pa asina por a participa den e Ronde van Aruba, cual a cuminsa diabierna anochi y termina diasabra mainta.

E ekipo a ricibi sosten di esunnan cu a acompaña nan den auto, kendenan tabata duna nan e animo pa sigui core pa asina termina e coremento di 72KM.

Sostenedornan tabata para banda di caminda pa asina apoya e ekipo den e careda cu ta exigi hopi di e miembronan individualmente. E competencia aki a exigi condicion fisico y energia di e participantenan. Aruba Bank ta orguyoso y ta felicita su ekipo cu a participa den Ronde van Aruba.

Share:

Leave a Reply

Your email address will not be published. Required fields are marked *